سرائیکی زبان دا تعارف
سرائیکی زبان ݙاڈھی مِٹھی زبان ہے. سرائیکی لوکیں دی آبادی تقریبًا 4 کروڑ ہے.
سرائیکی وسیب دے پَںج ڈیویژن بہاول پُور، مُلتان، سرگودھا، دیرہ غازی خان اتے دیرہ اسماعیل خان ہِن.
اِنہیں علاقِئیں وِچ سرائیکی لوکیں دی اکثریت ہے، اُنہیں وِچ بہاولپُور، بہاولنگر، رَحِیم یار خان، ڈیرہ غازِیخان،
لَیّہ، راجن پُور، مُظفر گڑھ، مُلتان، خانیوال، لودھراں، پاکپتن، ساہِیوال، وِہاڑی، سرگودھا، بھکر، خُوشاب،
مِیاںوالی، جھںگ اور دیرہ اِسماعِیل خان دے ضلعے شامل ہِن. بلوچستان دے وی کافی علاقِئیں وِچ سرائیکی ٻولی
ویںدی ہے. ہِندوستان دے کافی علاقِئیں وِچ وی سرائیکی ٻولی ویںدی ہے.
سرائیکی ٻولَݨ والِئیں دی تعداد پاکِستان وِچ پںجابی، پشتو اور سِںدھی زباناں ٻولَݨ والئیں کنُوں سب تُوں زیادہ
ہے۔ سرائیکی لوگ چار صوبِئیں وِچ آباد ہِن. پنجاب، سندھ، بلوچستان اتے خیبرپختونخواہ. 1993ء دی سرکاری
مردم شُماری دے مُطابِق سرائیکی لوکیں دی تعداد (1,20,60,000) ہِک کروڑ ویہہ لَکھ سَٹھ ہزار ظاہر کیتی ڳئی ہے.
سوچَݨ دی ڳالھ ایہ ہے جو ڈاکٹر کرِسٹوفر شَیکل نے 1976ء وِچ اپݨی سرائیکی گرائمر وِچ سرائیکی ٻولَݨ والِئیں دی
تعد (1,50,00,000) ہِک کروڑ پنجھا لَکھ لِکھی ہَئی. لیکن اَڄ کل تاں سرائیکی ٻولَݨ والِئیں دی آبادی ودھدی پئی
ہے. سرائِیکی ”اخبار“ جھوک_ دے مُطابق سرائیکی قوم پرست سرائیکی لوکیں دی تعداد چار کروڑ، کُجھ ساڈھے چار
کروڑ اتے کُجھ پَںج کروڑ ݙَسیںدِن. ہندُوستان دی مردُم شُماری_ دے مُطابق سن 1971ء وِچ ہندُوستان وِچ
15,692 لوک سرائیکی ٻُلیںدے ہَن۔
سرائیکی زبان پںجاب اتے سرحد وِچ اُردُو رسمالخط وِچ لِکّھی ویںدی پَئی ہے اتے ایںکُوں پسند وی کریںدِن. اُردو
ذریعہِ تعلِیم، قَومی، سرکاری، دفتری اتے رابطے دی زبان ہے.
